Žedna ekipa zbrala se vu kvartovskom bircu K Agrameru tih posljednjih sparnih kolovoških dana. Martin je natakal prvega rundeka, a reč je zela Vlasta.
– Znate kaj, več mi je fest zlo gledati TV dnevnike. Odlučila sam par dana niš ne gledati i niš ne znati. Prosim lepo, nečem ništ čuti ni o ploči u Jasenovcu, ni o intervjuu Bošnjakovića, koji ni sam več ne zna kaj je povedal, ni o Agrokoru, ni o…
– Je, pa kaj si onda prišla sim Vlastek, sim su ti sve redom ovisnici od vesti. Ja bi prosil da u te vesti o kojime ne želim ništ čuti budu i Mamić, i Diname….
– Je, pa sad i ti foliraš Žac, zakaj malo ne bumo pljuvali po Dinameu ak su se zasrali. Ovo leto proslavlaju pol stoleča otkak su si zeli Kup velesajamskih gradova, a koja sramota. Ne samo da znova ne bumo videli europskega proleča, neg ni zime, a bormeš ni eurojeseni…
– Pa kaj je, Jura, sada tome Mamić kriv, čoveka upucali, a vi tak, morti su dečki bili tužni…
– Kak ne. Ja nis, Lojz, ni rekel da je kriv, al mi je i njega prek glave. No, da je bil tam gde treba biti za sve bedarije ne bi ga upucali, a ti ga braniš jer vam je financijer…
– Eto, to je taj hrvatski jal, čovek uspešan, a mam vudri po njem jer je rodoljub.
– Deco, ajde malo prvo pogasite žeđ…
Rekel je Martin i prinesel prvega rundeka, al se žuhka spika nastavila i uz prve duge gutove.
– Ajde Lojz fakat malo bremzaj, i ja sam protiv da se puca na bilo koga, al kaj bi ga sad još trebali proglasiti za Majku Terezu.
– Pa i je Lidija draga, Majka Tereza hrvatskog nogača jer je stvoril sve asove, i Luku, i Mandžu, i Olu, i Lovrena, sve je to prešlo kroz Diname. Al on vama rdečima smeta jer je rodoljub.
– Pa i rdeči su ga financerali, Lojz, dok je Bandić bil esdepe, jel tak, Lidija.
– Kaj je, je. No, vidim da je dobar dio tih dečkiju koje Lojzek spomine na sudovima. Da ponovim, ak je za sud i ili za rešt nek bu, al sam protiv da se puca vu koga god.
– No, Lidija, pa ni sve oko Dinamea tak crno, viš kak su trijumferali protiv Lokomotive.
– Da, Jura, dobro si zametil taj podvig. Baš su trijumferali. Lokomotiva je za Diname stalna Majka Tereza, po befelu moraju dati bodove, pa sam zbog cirkusa z Lokomotivom Mamića treba…
– Prosim, dost. Lepe vas je Vlasta zaprosila da ne spikate o politiki, a Žac o nogaču, jer i u toj spiki mam taknete u politiku i počupate se kak besni cucki. Dajte nekaj o… kaj ja znam… Špancirfestu…
– Dobre, dobre, Martin, sme razmeli, nemamo penez ni za do Varaždina. Al i ak bumo spikali o Špancirfestu, mam bi takli Čačića, pa zakaj su ga otfikarili iz Haenesa, pa Pusićka, pa Mrakača, pa Štromar i vu par sekundi smo kod kukurikuluma i ploče v Jasenovcu…
– Onda prosim, kukurikajte o Renesansnem festivalu u Koprivnici.
– Je, ta ti ni loša Martin, ja sam baš štel tam iti.
– Ti Dragec? Pa kaj ti imaš z Koprivnicom, osim što u svim jelima imaš nekaj vegete…
– Imam, draga Sonja, rodbine, ak želiš znati, ali fakat je festival čist okej, ima dost tih fora kak da je renesansa, pa srednjovjekovni dvoboji, pa juva od kopriva…
– Od kopriva?!
– Je, od kopriva, pa Koprivnica, koprive, kužiš Sonja. Pa koprive su jela kak i druga, ak ima fini šampon od kopriva, zakaj ne bi bila i juhica od koprivnjača, ne?
– Pa more bit i sladoled od kopriva… Malo zapeče kad ga lizneš…
– Ajde Žac, vrag te skeljil, pa ni baš tak…
– Da, fakat sam i ja čula da je taj festival okej, a i Koprivnica ni loša.
– Da tebi Lidija nije loša jel je vaš rdeči Mršić bil direktor.
– Eto, Lojz, i kad su vaši u Podravki, ona je dobra, al rekli smo da ne bumo o politiki, i fakat, zakaj ti je to trebalo, taman smo lepo počeli o Podravki, koprivama…. Pa tvojima je okej da se čkomi o politiki, fest vam je voda do grla…
– Deca, prosim lepe, dost opet o politiki, hajde samo o festivalu kopriva i ova je rundica moja, prosim lepe, srčeka draga…
Martin je več nalil drugu rundu dok su oni debaterali i več im ju je prinesel.
– A ima li piva od kopriva?
– Ima Žac za tebe, da te opari po toj jezičini!
– Hajde Lojz , tvoj je opakiji od mog, sad bi ti sve nabrijal kaj ti ide, al nemrem ni krenuti jer više nema dvotočki.
– Kak misliš, Žac, nema dvotočki.
– E pa nema, Sonja, sad je dvotočje. Ne čitaš novi pravopis Lojzekove jezične ekipe.
– Pa kaj ja imam s pravopisom?
– Ti fakat fest male…
– No, prosim, vrnime se na piva, festival renesanse..
– Ima Martin praf. Zaprosila sam da ne brijemo nikaj z prvih minuta dnevnika.
– Dobro Vlastek, ja sam baš štel reti nekaj o kraft pivama. Sad buju i u Agramu neki festivali…
– Hajde i o tome sam ne o politiki, iako baš i ne fermam ta kraft piva.
– Zakaj ne Martin?
– Pa sad su skuplja, da se vas napoji ode lova i meni i vami.
Martin je več leval trečega rundeka.
– No, Martin, ja ipak imam neke ideje s tim kraf pivama
– Dok ih ti Dragec izrodiš, bum vam prinesel i treču rundaču.
Martin im posloži krigele, odnesel prazne i pita Drageca kaj je štel povedati.
– Zakaj mi ne bi s tobom Martin otišli u Koprivnicu i fakat, kak je rekel Žac, djelati piva od kopriva.
– A buš ti tu pivu kuval, buš nabral koprive? Vidim da buš se spekel i došel sim mečati pivu na rane, u rukama i v duši…
– No dobre, samo sam denul ideju, a da morti zdelamo renesansni festival vu kvartu i glavnu feštu v Agrameru.
– To več more, samo morate nači drvene krigele, nekaj si renesansnega obuti… Kad sve te sitnice zbavite, mam rad taj festivalček.
– No, no, uz koji gut budemo nekaj zmislili. Makar bumo uz pive čitali Dekamerona…
